CABANG SA BUNGKA

CABANG SA BUNGKA
CArano BAleroNG Aguong, SAlipik Burandang,UNcang,Gumbang,Kapuok.
Oleh Sry Fahmy Batubara as Shaff Ra Alisyahbana

Assalamu ‘alaikum wa rahmatu llahi wa barakatuh
Sanak , Dosanak , Badosanak , Sudaro Koum Sakampuong Sanagari dimano sajo barado.
Kiniko ambo buekkan Blogspot Basamo untuok kito kasadonyo, untuok salieng silatu rahmi, komunikasi dan ma agie informasi baiek nan barado di Kampuong Ilaman maupun nan barado di Parantoan.
Blogspot ko bo agie namo “ CABANG SA BUNGKA “ karano lambang martabat Bundo Kanduong Ranah Nata adolah CABANG nan mulo-mulo bana ateh pamintak an Ratu Tongga Ranah Nata nan banamo PUTI JUNJUONG NAI MANGATAS binti MANGARAJA UHUM yaitu padusi dari Rajo ka VII Ranah Nata nan banamo TUANKU BESAR SI HINTAN. Sadangkan bungka adolah sabuah bantuok nan takumpuo banyak dan nan tanamo di RANAH NATA adolah Ameh nan sampei kinin tatap di tambang urang, baiek sacaro MANGGORE sakalipun.
Sabananyo , CABANG SA BUNGKA tu adolah singkektan dari namo-namo paragat nan paralu di Nagari kito RANAH NATA yaitu CARANO BALERONG AGUONG, SALIPIK BURANDANG UNCANG, GUMBANG & KAPUOK.
1.CARANO adolah tampek paragat pasembahan untuk manarimo dan ma undang tamu nan barisi sirieh salangkoknyo.
2.BALERONG adolah tampek sapakat jo musyawarah untuok “ tagak ba mola, duduok ba iyo “ dalam mamutuikan suatu masalah adat istiadat Ranah Nata.
3.AGUONG adolah sabuah paragat untuk mangumpuokan masyarakat, lalu di tokok sabagei imbouan untuk bakumpuo di Balerong.
4.SALIPIK adolah tampek kepieng nan tabuek dari kabek pinggang kain nan biaso dipagunokan dek Bundo Kanduong.
5.BURANDANG adolah tampek hasie patanian basawah,bakabun jo baladang nan tabuek dari palupuoh jo kayu bulek nan di pelok di pondok sawah/ladang.
6.UNCANG adolah tampek kepieng jo barang-barang pakakeh pahiasan nan dipagunokan dek umak-umak.
7.GUMBANG adolah tampek ma ondokkan bareh jo sipuluik, makanan utamo masyarakat Ranah Nata.
8.KAPUOK adolah tampek pakakeh apak-apak nan karajonyo kalauik,saumpamo tali kayie,pupuyan,mato ayie, umpan,sakin dan lainnyo nan diparalukan untuk saurang nelayan.

Salapan Paragat ko tagambar pulo dalam “ TARI SALAPAN “ dalam Seni Budayo Ranah Nata.
Jadi , bo arokkan dakek Sanak , Dosanak, Badosanak dan Sudaro Sakampuong Sanagari di mano sajo barado , marilah samo-samo kito isi “ CABANG SA BUNGKA “ ko, baiek inyo di ibaratkan sagatok pinang, sapalik sada , satangkei padi,siringgik keeping,sauntei lontin,saran usul respons aspirasi dan tanggapan (surat),sabuah pupuyan,sarantang juek-juek atou tarintin dan lainnyo dalam rangko sabagei RAKYAT BENAH NASIB & TAHTA ( RANAH NATA ) sa inggo baliek ka MALAKO manjadi MADANI, LANCAR & KONDUSIF.
Tarimo kasieh ateh paratiannyo dan marilah kito isi basamo-samo salieng mamelok ,manasehati, basisapoan dan lainnyo dan mari kito jadikan CABANG SA BUNGKA manjadi KOMUNIKASI INFORMASI SILATURRAHMI SANAK ( KISS ).